करकोचा शिकार प्रकरण सरकारदरबारी आमदार धिरज देशमुख यांच्याकडून त्वरित दखल; करकोचा पक्ष्यांच्या वसाहतीचे जतन व संवर्धन करण्याची सरकारकडे मागणी --- लातूर : लातूर जिल्ह्यातील मसलगा तलावाच्या (ता. निलंगा) पाणथळ क्षेत्रात असलेल्या रंगीत करकोचा पक्ष्यांच्या वसाहतीत शिकारीच्या घटना घडत आहेत. त्यामुळे राज्य सरकारने करकोचा पक्ष्यांच्या वसाहतीचे जतन, संवर्धन व संरक्षण करण्याबाबत तातडीने कार्यवाही करून निसर्गाचे हे वैभव जपावे, अशी मागणी 'लातूर ग्रामीण'चे आमदार श्री. धिरज विलासराव देशमुख यांनी केली. मसलगा तलावाच्या पाणथळ क्षेत्रात शिरून काहींनी ७ पिलांची शिकार केली. या घटनेत अनेक पक्षी जखमीसुद्धा झाले आहेत. रविवारी (ता. ९) सकाळी घडलेल्या या अतिशय धक्कादायक घटनेची आमदार श्री. धिरज देशमुख यांनी त्वरित दखल घेतली. याबाबत वन विभागातील अधिकाऱ्यांशी तातडीने संपर्क साधून त्यांना योग्य त्या सूचना केल्या. तसेच, या घटनेत प्रसंगावधान दाखवल्याबद्दल ग्रामस्थांचे त्यांनी कौतुकही केले. काही महिन्यांपूर्वी करकोचा पक्ष्यांच्या वसाहतीची आमदार श्री. धिरज देशमुख यांनी प्रत्यक्ष पाहणी केली होती. त्यानंतर राज्याचे वनमंत्री श्री. सुधीर मुनगंटीवार यांची भेट घेवून या वसाहतीचे जतन व संवर्धन करावे, अशी मागणी त्यांच्याकडे केली होती. येथे शिकारीसारख्या घटना टाळण्यासाठी आणि ही वसाहत सुरक्षित राहण्यासाठी जतन, संवर्धन व संरक्षणाबाबत तातडीने कार्यवाही व्हावी, अशी विनंती वनमंत्री श्री. सुधीर मुनगंटीवार यांच्याकडे आमदार श्री. धिरज देशमुख यांनी पुन्हा एकदा केली आहे. --- मनाला वेदना देणारी ही घटना मसलगा तलावाच्या पाणथळ क्षेत्रात असलेली रंगीत करकोचा पक्ष्यांची वसाहत ही अतिशय दुर्मिळ वसाहत आहे. घरटी असलेली पक्ष्यांची ही वसाहत मराठवाड्यातील पहिलीच वसाहत असून येथे सुमारे २५० रंगीत करकोचा हे त्यांच्या ४०० पेक्षा अधिक पिलांसह वास्तव्य करीत आहेत. ही वसाहत म्हणजे निसर्गाचे वैभव आहे. हे सर्वांनी एकत्र येवून जपले पाहिजे. मात्र, या वसाहतीत झालेली शिकारीची घटना मनाला वेदना देणारी आहे, अशी भावना आमदार श्री. धिरज देशमुख यांनी व्यक्त केली. ---

पांढरी येथे पायाभूत सुविधांसाठी ३ कोटींचा निधी

आमदार धिरज देशमुख यांच्या पाठपुराव्याला यश; श्री. विठ्ठल आणि श्री केशव महाराज देवस्थानात उपलब्ध होणार विविध सुविधा
---
लातूर : रेणापूर तालुक्यामधील पांढरी (खरोळा) येथील श्री. विठ्ठल आणि श्री केशव महाराज देवस्थानात पायाभूत सुविधा उपलब्ध व्हाव्यात यासाठी लातूर ग्रामीण मतदारसंघाचे आमदार श्री. धिरज विलासराव देशमुख यांनी राज्य सरकारकडे केलेल्या पाठपुराव्याला यश आले असून यासाठी ३ कोटी रुपयांचा निधी मंजूर झाला आहे. याबद्दल ग्रामस्थांनी आमदार श्री. धिरज देशमुख यांचे शनिवारी आभार मानले.

लातूर ग्रामीण मतदारसंघात विविध विकासकामे मंजूर करून आणण्यासाठी आमदार श्री. धिरज देशमुख हे सातत्याने प्रयत्नशील आहेत. त्यामुळेच प्रादेशिक विकास योजना सन २०२२-२३ अंतर्गत नवीन कामांना मान्यता देवून निधी उपलब्ध करून देण्यात आला आहे. यासाठी आमदार श्री. धिरज देशमुख यांनी राज्याचे पर्यटन आणि कौशल्य विकासमंत्री श्री. मंगलप्रभात लोढा यांना पत्र पाठवून त्यांच्याकडे पाठपुरावा केला होता.

श्री. विठ्ठल आणि श्री केशव देवस्थानात पायाभूत सुविधा उपलब्ध व्हाव्यात यासाठी हा निधी मंजूर करण्यात आला असून यातून येथील विविध विकासकामे मार्गी लागणार आहेत. याबद्दल आमदार श्री. धिरज देशमुख यांनी श्री. मंगलप्रभात लोढा यांचे आभार मानले. ---

'लातूर ग्रामीण'मधील रस्त्यांचे चित्र पालटणार

आमदार धिरज देशमुख यांच्या पाठपुराव्याला यश; विविध रस्त्यांसाठी ६ कोटींहून अधिक निधी
---
लातूर : लातूर ग्रामीण मतदारसंघाचे आमदार श्री. धिरज विलासराव देशमुख यांनी केलेल्या मागणीमुळे जिल्हा वार्षिक योजना (सर्वसाधारण) सन २०२२-२३ अंतर्गत लातूर, रेणापूर आणि औसा तालुक्यातील ३२ रस्त्यांसाठी तब्बल ५ कोटी १२ लाख रुपयांचा निधी मंजूर झाला आहे. यामुळे लवकरच या रस्त्यांचे चित्र पालटणार आहे.

लातूर ग्रामीण मतदारसंघातील ग्रामीण रस्त्यांच्या विकासासाठी व मजबुतीकरणासाठी आमदार श्री. धिरज देशमुख हे सातत्याने प्रयत्नशील आहेत. त्यांनी केलेल्या मागणीची दखल घेवून हा निधी मंजूर झाला आहे. याबद्दल त्यांनी पालकमंत्री श्री. गिरीश महाजन यांचे आभार मानले.

रेणापूर तालुक्यातील इंदरठाणा ते सांगवी ० ते ४०० मी. डांबरीकरण व मजबुतीकरण करणे, इंदरठाणा ते अजरखेडा ४०० ते ८०० मी. डांबरीकरण व मजबुतीकरण करणे, खरोळा ते कुंभारवाडी ०/००ते ४/५०० डांबरीकरण व मजबुतीकरण करणे, इंदरठाणा ते आजरखेडा ग्रामा ७८ ०/० ते २/०० रस्‍ता करणे, ग्रामा९७ पानगाव ते नरवटवाडी किमी ३/२०० ते ४/०० रस्‍ता सुधारणा करणे, सारोळा ते खलंग्री ०/८०० ते २/०० ग्रामा ९६ रस्‍ता सुधारणा करणे, मुरढव ते तळणी ग्रामा ५५ किमी ०/०० ते १/०० मजबुतीकरण करणे, गरसुळी ते कामखेडा रस्‍ता ०/०० ते २/०० पुलाचे व जोड रस्‍त्‍याचे काम करणे, वाला ते तत्‍तापूर रस्‍ता ०/०० ते २/०० पुलाचे व जोड रस्‍त्‍याचे काम करणे, वाला ते गरसुळी रस्‍ता ०/०० ते २/०० पुलाचे व जोड रस्‍त्‍याचे काम करणे, चाडगाव ते जिल्‍हा सरहद्द ०/०० ते २/०० पुलाचे व जोड रस्‍त्‍याचे काम करणे, मोरवड ते नांदगाव रस्‍ता ०/०० ते २/०० पुलाचे व जोड रस्‍त्‍याचे काम करणे, मोरवड ते टक्‍केवाडी ते जिल्‍हा सरहद्द रस्‍ता २/०० ते ४/०० पुलाचे व जोड रस्‍त्‍याचे काम, फरदपूर ते गरसुळी ०/०० ते २/०० पुलाचे व जोड रस्‍त्‍याचे काम यासाठी निधी मंजूर झाला आहे.

लातूर तालुक्यातील नागझरी ते रायवाडी रस्‍ता डांबरीकरण व मजबुतीकर, प्रजिमा ५ काटगाव ग्रामा २१ टाकळी फाटा ०/० ते १/५०० रस्‍ता सुधारणा करणे, मढी मंदिर रस्‍ता सुधारणा करणे ग्रामा२३ १/०० ते २/००, भोसा ते मसला ग्रामा ४८ सिमेंट रस्‍ता करणे, खंडापूर ते चिंचोलीराववाडी मजबुतीकरण व डांबरीकरण करणे, मांजरी ते गातेगाव रस्‍ता पुलाचे काम करणे, बोरी ते सावरगाव रस्‍ता पुल दुरूस्‍ती व पोहोच रस्‍ता ग्रामा१४८ ०/०० ते १/००, तांदूळजा ते सारसा रस्‍ता ०/५५० ते १/५५० रस्‍ता पुलाचे व जोड रस्‍त्‍याचे काम करणे, गाधवड ते भिसेवाघोली रस्‍ता ०/५५० ते १/५५० रस्‍ता पुलाचे व जोड रस्‍त्‍याचे काम करणे, चिखूर्डा ते मुरूड अकोला रस्‍ता १/०० ते २/०० रस्‍ता पुलाचे व जोड रस्‍त्‍याचे काम करणे, रामेगाव ते गातेगाव रस्‍ता १/०० ते २/०० पुलाचे व जोड रस्‍त्‍याचे काम करणे, बोरी ते सुगाव रस्‍ता पुल दुरूस्‍ती करणे व पोहोच रस्‍ता १/०० ते २/००  करणे, भातांगळी ते भाडगाव २/०० ते ३/०० पुलाचे व जोड रस्‍त्‍याचे काम करणे, सोनवती ते भातखेडा रस्‍ता पुलाचे व जोड रस्‍त्‍याचे काम करणे, धनेगाव सोनवती रस्‍ता ते बाभळगाव ०/०० ते ०/३०० पुलाचे व जोड रस्‍त्‍याचे काम करणे, भाडगाव ते मुरंबी पुलाचे व जोड रस्‍त्‍याचे काम करणे तर औसा तालुक्यातील ग्रामा १० लखनगाव ते हळदुर्ग रामा २३९ पर्यंत रस्‍ता सुधारणा करणे. ०/०० ते १/०० औसाभेटा ते अंदोरा ०/० ते ४०० ग्रामा ४ रस्‍ता सुधारणा करणे ही कामे या निधीतून केली जाणार आहेत.
---- चौकट ::
आणखी १ कोटींचा निधी जाहीर

रेणापूर आणि लातूर तालुक्यातील तीन रस्त्यांच्या मजबुतीकरण व डांबरीकरणासाठी लातूर ग्रामीण मतदारसंघाचे आमदार श्री. धिरज विलासराव देशमुख यांच्या प्रयत्नांमुळे १ कोटी ५ लाख रुपयांचा निधी जाहीर झाला आहे. यानुसार जिल्हा वार्षिक योजनेतून प्रजिमा ५ वांजरखेडा - पिंपरी - येळी - मांजरी या रस्त्यासाठी ५० लाख, इजिमा ९ घनसरगाव - मोहगाव ते रामा २४८ या रस्त्यासाठी २५ लाख तर जिल्हा सरहद्द गरसुळी - बिटरगाव रस्त्यासाठी ३० लाख रुपयांचा निधी मंजूर झाला आहे. 'लातूर ग्रामीण'मधील विविध रस्त्यांसाठी ६ कोटींहून अधिक निधी मंजूर करून घेतल्याबद्दल ग्रामस्थांनी आमदार श्री. धिरज विलासराव देशमुख यांचे आभार मानले. ---

आमदार धिरज देशमुख यांच्या हस्ते
भादा सोसायटीच्या नवनिर्वाचित संचालकांचा सत्कार
---
लातूर : औसा तालुक्यातील भादा विविध कार्यकारी सेवा सहकारी संस्थेच्या निवडणुकीत विजयी झालेल्या नवनिर्वाचित संचालक व पॅनेलप्रमुख यांचा 'लातूर ग्रामीण'चे आमदार श्री. धिरज विलासराव देशमुख यांच्या हस्ते बाभळगाव येथे मंगळवारी सत्कार करण्यात आला.
भादा विविध कार्यकारी सेवा सहकारी संस्थेच्या निवडणुकीत विकासरत्न विलासराव देशमुख शेतकरी सहकारी गटाने १३ पैकी १३ जागा जिंकून आपल्या पॅनेलचा झेंडा पुन्हा एकदा फडकवला. याबद्दल त्यांचा आमदार श्री. धिरज देशमुख यांनी सत्कार केला. तसेच, पुढील वाटचालीसाठी त्यांना शुभेच्छाही दिल्या. यावेळी सोसायटीचे माजी चेअरमन व पॅनेल प्रमुख दत्तकुमार शिंदे, गोविंद पाटील, प्रशांत पाटील, मनोज पाटील, श्रीपाद शिंदे, अनिल गिरी, बबन मगर, सोसायटीचे नवनिर्वाचित संचालक राजेंद्र स्वामी, सचिन माळी, प्रल्हाद लकडे, हंसराज पाटील, अतीक सय्यद, लक्ष्मण बनसोडे, विश्वास उबाळे, महेश गायकवाड, नंदाबाई दूधभाते, सूर्यकांत पाटील, व्यंकट पाटील, महादेवी क्षीरसागर आदी उपस्थित होते. --

पुलांचे काम तत्परतेने पूर्ण करा   आमदार धिरज देशमुख यांच्या अधिकाऱ्यांना सूचना; मांजरा नदीवरील पुलांच्या बांधकामाची केली पाहणी ---- लातूर : लातूर तालुक्यातील कानडी बोरगाव येथील मांजरा नदीवरील बोरगाव - अंजनपूर बराजच्‍या बुडीत क्षेत्रातील पुलाच्‍या बांधकामाची तसेच, मांजरा नदीवरील कारसा - पोहरेगाव उच्च पातळी बराजच्या बुडीत क्षेत्रातील पोहरेगाव - रुई पुलाच्या बांधकामाची लातूर ग्रामीणचे आमदार श्री. धिरज विलासराव देशमुख यांनी मंगळवारी (ता. २८) पाहणी केली. शेतकऱ्यांची अडचण होवू नये यासाठी पुलांचे काम तत्परतेने व वेळेत पूर्ण करावे, अशा सूचनाही त्यांनी अधिकाऱ्यांना दिल्या.   यावेळी जलसंपदा विभागाचे उपविभागीय अभियंता आर. के. पाटील, लातूर लघु पाटबंधारे विभागाचे कार्यकारी अभियंता महेंद्र काळे, उपविभागीय अभियंता ए. पी. कुंभार, उपविभागीय अभियंता म. पा. चौणपुरगे, कनिष्ठ अभियंता आर. पी. कटकमवार, विजय देशमुख, सर्जेराव मोरे, प्रमोद जाधव, रवींद्र काळे, गोविंद बोराडे, लालासाहेब चव्हाण, सुभाष घोडके, प्रवीण पाटील, जगदीश बावणे, मदन भिसे, ज्ञानेश्वर भिसे, कैलास पाटील, दत्ता शिंदे, लक्ष्मण पाटील, प्रकाश उफाडे, रघुनाथ शिंदे, श्रीमंत गायकवाड, अनंत बारबोले, अनिल कुटवाड, अमोल भिसे, बंकटराव देशमुख, आशादुल्ला सय्यद, नरेश पवार, माणिक पुजारी, अरुण कुलकर्णी, अप्पासाहेब हिप्परकर, अजित काळदाते, उद्धव चेपट, महेश अन्नदाते, बलभीम शिंदे, निवृत्ती देवरे, शिवाजीराव देशमुख, अंगद फरकांडे, विलास मोरे, राजेंद्र सराफ, संजय चव्हाण, चंद्रप्रकाश लहाडे, सुहास पाटील, मनिषा उफाडे, अशोकराव उफाडे, वसंतराव उफाडे, सलीम शेख, निखिलेश पाटील, बप्पासाहेब शिंदे आदी उपस्थित होते. ---

धिरज देशमुख यांनी केली पुल व बराजच्या कामाची पाहणी   कामे दर्जेदार व वेळेत पूर्ण करण्याच्या आमदारांच्या सूचना ---- लातूर : रेणापूर तालुक्यातील घनसरगाव येथील रेणा नदीवर मुख्यमंत्री ग्रामसडक योजनेतून बांधण्यात येत असलेल्या पुलाच्या कामाची तसेच, जवळगा येथील रेणा नदीवरील कोल्हापुरी बराजच्या नुतनीकरण कामाची 'लातूर ग्रामीण'चे आमदार श्री. धिरज विलासराव देशमुख यांनी सोमवारी पाहणी केली. ही कामे दर्जेदार आणि वेळेत पूर्ण करण्याच्या सूचनाही त्यांनी बांधकाम व जलसंपदा विभागाच्या अधिकाऱ्यांना यावेळी दिल्या.   याप्रसंगी सार्वजनिक बांधकाम विभागाचे उप अभियंता गजानन मुळे, कनिष्ठ अभियंता एस. आर. थडकर, जलसंपदा विभागाचे उप अभियंता दयानंद मामडगे, शाखा अभियंता सोमेश्वर होळकर, शाखा अभियंता सुडे, रेणा साखर कारखान्याचे चेअरमन सर्जेराव मोरे, जिल्हा बँकेचे व्हाईस चेअरमन व रेणापूर तालुका काँग्रेसचे अध्यक्ष प्रमोद जाधव, रेणा कारखान्याचे व्हाईस चेअरमन अनंतराव देशमुख, लालासाहेब चव्हाण, लातूर तालुका काँग्रेसचे अध्यक्ष सुभाष घोडके, विश्वासराव देशमुख, हणमंत पवार, स्नेहल देशमुख, गोविंद पाटील, धनराज देशमुख, अजय चक्रे, बाळकृष्ण माने, मतीन अली सय्यद, प्रमोद कापसे, धनंजय देशमुख, प्रकाश सूर्यवंशी, बाळासाहेब करमुडे आदी उपस्थित होते. ---- ग्रामस्थांनी केले स्वागत  रेणापूर तालुक्यातील घनसरगाव येथील श्री. किशनराव देशमुख, सेलू येथील श्री. निखिल चित्ते, जवळगा येथील श्री. कुमार पाटील व हरवाडी येथील श्री. चंद्रकांत माने यांच्या निवासस्थानी 'लातूर ग्रामीण'चे आमदार श्री. धिरज विलासराव देशमुख यांनी सदिच्छा भेट दिली. यावेळी ग्रामस्थांकडून त्यांचे स्वागत करण्यात आले. याप्रसंगी काँग्रेस पक्षाचे पदाधिकारी, कार्यकर्ते, ग्रामस्थ मोठ्या संख्येने उपस्थित होते. ---

आमदार धिरज देशमुख  यांच्या हस्ते धनादेशाचे वाटप   वन्यप्राण्याच्या हल्ल्यात दगावलेल्या शेतकऱ्याच्या कुटुंबास वन विभागातर्फे दिली मदत --- लातूर : वन्यप्राण्याच्या हल्ल्यात दगावलेले लातूर तालुक्यातील बोकनगाव येथील शेतकरी मधुकर बळीराम दाताळ यांच्या कुटुंबीयास वन विभागाने एकूण १५ लाख रुपयांचे अर्थसहाय्य मंजूर केले आहे. या अर्थसहाय्याचा धनादेश लातूर येथील तहसील कार्यालय येथे श्रीमती गोदावरी मधुकर दाताळ यांना आमदार श्री. धिरज विलासराव देशमुख यांच्या हस्ते सुपूर्द करण्यात आला.   जुलै 2022 मध्ये रानडुक्कर या वन्यप्राण्याच्या हल्ल्यात शेतकरी मधुकर बळीराम दाताळ यांना आपला जीव गमवावा लागला. त्यांच्या कुटुंबीयांना सोमवारी अर्थसहाय्य  करण्यात आले. यावेळी लातूर जिल्हा बँकेचे व्हाईस चेअरमन प्रमोद जाधव, तहसीलदार स्वप्नील पवार, लातूरचे वनपरिक्षेत्र मंडळ अधिकारी निलेश बिराजदार, काँग्रेस पक्षाचे जिल्हा समन्वयक सचिन दाताळ, राजेसाहेब सवई, बादल शेख, संचालक अनुप शेळके, नायब तहसीलदार राजेश जाधव, नायब तहसीलदार श्रावण उगले, काँग्रेसचे लातूर तालुकाध्यक्ष सुभाष घोडके, बंडू शिंदे, दयानंद स्वामी, उपसरपंच किशोर दाताळ, गणपत दाताळ, बालाजी वाघमारे, राहूल गरड, अभिमान भोळे, दगडू कांबळे आदी उपस्थित होते. ---

धिरज देशमुख यांनी दिला शेतकऱ्यांना धीर   लातूर, रेणापूर तालुक्यातील नुकसानग्रस्त पिकांची केली पाहणी; सरकारकडून भरीव मदत मिळवून देण्यासाठी प्रयत्नशील --- लातूर : खरीप हातातून गेल्यानंतर रब्बीवर मोठी आशा होती. रात्र-रात्र जागून शेतकऱ्यांनी पिके वाढवली होती. पण, अवकाळी पावसासह गारपिट झाल्याने काही क्षणात होत्याचे नव्हते झाले. त्यामुळे शेतकरी बांधवांच्या कुटुंबावर अक्षरशः दुःखाचा डोंगर कोसळला असल्याने लातूर आणि रेणापूर तालुक्यातील शेतकऱ्यांच्या बांधावर जावून 'लातूर ग्रामीण'चे आमदार श्री. धिरज विलासराव देशमुख यांनी शेतकऱ्यांचे अश्रू पुसत त्यांना धीर दिला.   गोगलगायींचा प्रादुर्भाव, अतिवृष्टी, संततधार पाऊस झाल्याने आधी सोयाबीन व इतर पिके वाहून गेली. याबाबत सरकारने जाहीर केलेली मदत अद्याप अनेक शेतकऱ्यांना मिळाली नाही. पीकविमा भरपाई रक्कमही अनेकांपर्यंत पोचली नाही. त्यामुळे शेतकरी बांधव आर्थिक अडचणीत सापडला आहे. अशा स्थितीत अवकाळी पावसासह गारपिट झाल्याने गहू, ज्वारी, हरभरा या पिकांचे अतोनात नुकसान झाले आहे. फळबागा जमीनदोस्त झाल्या आहेत. त्यामुळे शेतकऱ्यांच्या डोळ्यात अश्रू दाटून आले आहेत.   नुकसान मन हेलावून टाकणारे : त्यामुळे तातडीने आमदार श्री. धिरज देशमुख यांनी रेणापूर तालुक्यातील रामवाडी ख, मोहगाव त, तळणी मो, धवेली, कुंभारवाडी, सिंधगाव तसेच लातूर तालुक्यातील कानडी बोरगाव, टाकळगाव, सारसा, वांजरखेडा येथे बांधावर जावून शेतकरी बांधवांची भेट घेतली. झालेल्या नुकसानीची प्रत्यक्ष पाहणी केली. हे नुकसान प्रत्येकाचे मन हेलावून टाकणारे आहे. त्यामुळे या नुकसानीकडे सरकारचे लक्ष वेधून घेवून शेतकरी बांधवांना भरीव आर्थिक मदत मिळवून देण्यासाठी मी प्रयत्नशील आहे, असे त्यांनी आश्वस्त केले.   पिकांना फटका; फळांचा सडा अवकाळी पाऊस, गारपिट यामुळे लातूर आणि रेणापूर तालुक्यात जागोजागी काढणीला आलेल्या गहू, ज्वारी, हरभरा या पिकांना मोठा फटका बसला आहे. आंबा, द्राक्षे या फळांचा शेतात मोठ्या प्रमाणात सडा पडला आहे. झाडावरील फळालाही मार बसला आहे. टरबूज, खरबूज, ड्रॅगन फळांसह टोमॅटो, कोथिंबीर, इतर पालेभाज्यांचे अतोनात नुकसान झाले आहे. पिकांबरोबरच पशुधनाचे, घरांवरील पत्र्यांचे, सोलार पॅनलचे, रस्त्यांचेही नुकसान झाले. त्यामुळे या अस्मानी संकटामुळे हतबल झालेल्या शेतकरी बांधवांना सरकारने भरीव आर्थिक मदत देवून दिलासा देणे आवश्यक आहे, असे आमदार श्री. धिरज देशमुख यांनी सांगितले.   वीज पुरवठा तत्काळ पूर्ववत करा: या सर्व नुकसानीचे तातडीने पंचनामे करावेत. टाकळगाव शिवारात विद्युत खांब पडल्याने विद्युत पुरवठा खंडित झाल्याच्या घटना घडल्या आहेत. विद्युत पुरवठा पूर्ववत करण्याच्या सूचनाही दिल्या असल्याचे ते म्हणाले. यावेळी श्रीशैल उटगे, विजय देशमुख, सर्जेराव मोरे, प्रमोद जाधव, अनंतराव देशमुख, सुभाष घोडके, लालासाहेब चव्हाण, रमेश सूर्यवंशी, जिल्हा अधीक्षक कृषी अधिकारी दत्तात्रय गावसाने, रेणापूरच्या तहसीलदार धम्मप्रिया गायकवाड , लातूरचे तहसीलदार स्वप्नील पवार, लातूरच्या विभागीय कृषी विस्तार शिक्षण केंद्राचे प्रा. अरुण व्ही गुट्टे, उप विभागीय कृषी अधिकारी श्री. क्षीरसागर, लातूर तालुका कृषी अधिकारी दिलीप राऊत, रेणापूर तालुका कृषी अधिकारी नागरगोजे, मंडळ अधिकारी ए. एन. अकोले, विमा प्रतिनिधी संघदीप कांबळे, तलाठी अमोल काळे, तलाठी एस. एन. गुडे आदी उपस्थित होते. ---

आशा भगिनींच्या पाठीशी राहणे हे सरकारचे कर्तव्य   आमदार धिरज देशमुख यांचे मत; लातूर तालुक्यातील आशा भगिनींचा सन्मान --- लातूर : आशा भगिनी, अंगणवाडी सेविका यांनी कोरोना काळात केलेले कार्य हे मानवतेच्या कल्याणाचे आहे. त्यामुळे त्यांच्या पाठीशी ठामपणे उभे राहणे, त्यांच्या मागण्या मान्य करणे हे राज्य सरकारचे कर्तव्य आहे. यासाठी सरकारदरबारी मी सतत पाठपुरावा करीत राहीन, अशी ग्वाही 'लातूर ग्रामीण'चे आमदार श्री. धिरज विलासराव देशमुख यांनी दिली.   आशा दिनानिमित्त लातूर पंचायत समिती येथे आरोग्य विभागाच्या वतीने आयोजित कार्यक्रमात उल्लेखनीय कामगिरी केलेल्या लातूर तालुक्यातील आशा भगिनींचा सन्मान 'लातूर ग्रामीण'चे आमदार श्री. धिरज विलासराव देशमुख यांच्या हस्ते शनिवारी करण्यात आला. यावेळी ते बोलत होते.   आमदार श्री. धिरज देशमुख म्हणाले, कोरोना काळात स्वतःच्या जीवाची पर्वा न करता इतरांचे आयुष्य वाचविण्यासाठी आशा भगिनी धावून आल्या. सुरवातीच्या काळात अपुरी साधने असताना त्यांनी काम केले. सर्वांच्या कुटुंबापर्यंत त्या पोहचल्या. आरोग्य सेवा दिली. ही महामारी आटोक्यात आणण्यात त्यांचे मोलाचे योगदान आहे. त्यामुळे त्यांच्या कार्याचे स्मरण ठेवले पाहिजे. म्हणून सरकारने याबाबतीत अधिक संवेदनशील राहून आशा भगिनी, अंगणवाडी सेविका यांना अधिक सक्षम केले पाहिजे. त्यांचे कुटुंब सुरक्षित राहील याची काळजी घेतली पाहिजे.   यावेळी लातूर तालुका गटविकास अधिकारी तुकाराम भालके, जिल्हा माता बाल संगोपन अधिकारी डॉ. सतीश हरिदास, तालुका आरोग्य अधिकारी डॉ. पवार, लातूर जिल्हा बँकेचे व्हाईस चेअरमन प्रमोद जाधव, विलास साखर कारखान्याचे व्हाईस चेअरमन रवींद्र काळे, रेणा साखर कारखान्याचे व्हाईस चेअरमन अनंतराव देशमुख, लातूर तालुका काँग्रेसचे अध्यक्ष सुभाष घोडके, गोविंद कदम, ज्ञानोबा गवळे, वैद्यकीय अधिकारी डॉ. प्रताप इगे, डॉ. नागापुरे, डॉ. साळुंके, डॉ. बावणे, डॉ. शिंगाडे, आशा संघटक संगीता डवरी आदीसह लातूर तालुक्यातील प्राथमिक आरोग्य केंद्राचे वैद्यकीय अधिकारी, आरोग्य सहाय्यक, आशा ताई मोठ्या प्रमाणात उपस्थित होत्या. ओमकार वंजारे यांनी कार्यक्रमाचे सूत्रसंचालन केले व आभार मानले. ---

तत्काळ पंचनामे करून शेतकऱ्यांना भरीव मदत द्या

आमदार धिरज देशमुख यांचे मुख्यमंत्र्यांना पत्र; पालकमंत्री गिरीश महाजन यांची घेतली भेट   रेणापूर, लातूर तालुक्यात गारपिटीचा तडाखा; फळपिकांचे मोठे नुकसान ---
लातूर : वादळी वाऱ्यासह अवकाळी पाऊस व गारपिटीमुळे लातूर आणि रेणापूर तालुक्यातील फळ-पिकांचे व भाज्यांचे मोठे नुकसान झाले आहे. या नुकसानीची तत्काळ दखल घेवून 'लातूर ग्रामीण'चे आमदार श्री. धिरज विलासराव देशमुख यांनी तातडीने नुकसानीचे पंचनामे करून शेतकऱ्यांना भरीव आर्थिक मदत द्या, अशी मागणी मुख्यमंत्री, उपमुख्यमंत्री, पालकमंत्री यांच्याकडे शनिवारी पत्राद्वारे केली.

राज्याच्या वेगवेगळ्या भागात गेल्या काही दिवसांपासून अवकाळी पाऊस व गारपिट सुरू आहे. लातूर जिल्ह्यातही शुक्रवारी (ता. १७) वादळी वाऱ्यासह पावसाने हजेरी लावली. मात्र, शनिवारी (ता. १८) लातूर आणि रेणापूर तालुक्यातील विविध गावात झालेल्या मुसळधार पावसामुळे व गारपिटीमुळे शेतकऱ्यांचे मोठे नुकसान झाले. काढणीला आलेला गहू, हरभरा, ज्वारी यासह इतर पिके जमीनदोस्त झाली. आंबा, द्राक्ष, टरबूज, खरबूज, चिकू, पपई अशा फळांसह भाज्यांचे नुकसान झाले.

शेतकरी बांधवांवर कोसळलेल्या या अस्मानी संकटामुळे हातातोंडाशी आलेला घास हिरावला गेला आहे. याची आमदार श्री. धिरज देशमुख यांनी त्वरित दखल घेतली. मुख्यमंत्री श्री. एकनाथ शिंदे, उपमुख्यमंत्री श्री. देवेंद्र फडणवीस, जिल्हाधिकारी पृथ्वीराज बी. पी. यांना पत्र पाठवून लातूर आणि रेणापूर तालुक्यात झालेल्या शेतकरी बांधवांच्या नुकसानीची सविस्तर माहिती दिली. तसेच, त्वरित पाहणी करून नुकसानीचे पंचनामे करावेत, अशी मागणीही त्यांच्याकडे केली. शेतकरी बांधवांना मदत करण्याबाबत लातूरचे पालकमंत्री श्री. गिरीश महाजन यांची जिल्हाधिकारी कार्यालयात शनिवारी भेट घेवून त्यांनाही आमदार श्री. धिरज देशमुख यांनी पत्र दिले. ----
चौकट :
तात्पुरती पर्यायी यंत्रणा उपलब्ध करून द्या

जुनी पेन्शन या मागणीसाठी सरकारी अधिकारी, कर्मचारी यांचे काम बंद आंदोलन सध्या सुरू आहे. त्यामुळे शेतकरी बांधवांच्या नुकसानीचे पंचनामे करण्याचे काम रखडू शकते. हे लक्षात घेवून शेतकरी बांधवांना त्वरित दिलासा मिळावा यासाठी तात्पुरती पर्यायी यंत्रणा सरकारने उपलब्ध करून द्यावी, अशी मागणीही आमदार श्री. धिरज देशमुख यांनी सरकारकडे केली.
--- फोटो ओळ : लातूर : जिल्हाधिकारी कार्यालय येथे लातूरचे पालकमंत्री श्री. गिरीश महाजन यांची 'लातूर ग्रामीण'चे आमदार श्री. धिरज विलासराव देशमुख यांनी शनिवारी भेट घेतली. लातूर, रेणापूर तालुक्यात नुकसानीचे पंचनामे करून शेतकऱ्यांना भरीव आर्थिक मदत द्यावी, अशी मागणी पालकमंत्र्यांकडे केली. ----

मराठवाडा वॉटर ग्रीडला समृध्दी महामार्गासारखे महत्त्व द्या

आमदार धिरज देशमुख यांची अधिवेशनात मागणी; योजनेला 'इन्फ्रास्ट्रक्चर प्रोजेक्ट'चा दर्जा हवा
---
लातूर : पाणी नसेल तर मराठवाड्याचा विकास होणार नाही, म्हणून समृध्दी महामार्ग, बुलेट ट्रेन, मेट्रो या कामांना राज्य सरकार ज्या पद्धतीने महत्त्व देते, त्याच पद्धतीचे महत्त्व मराठवाडा वॉटर ग्रीड या योजनेला राज्य सरकारने दिले पाहिजे. मराठवाड्यात 'समृध्दी' येण्यासाठी या योजनेला 'इन्फ्रास्ट्रक्चर प्रोजेक्ट'चा दर्जा द्या, अशी मागणी 'लातूर ग्रामीण'चे आमदार श्री. धिरज विलासराव देशमुख यांनी बुधवारी केली.

अर्थसंकल्पीय चर्चेत सहभागी होवून आमदार श्री. धिरज विलासराव देशमुख यांनी मराठवाड्यातील पाणी, शेती, उद्योग, वीज या महत्वाच्या विषयांकडे राज्य सरकारचे लक्ष वेधले. मराठवाडा वॉटर ग्रीड या योजनेची चर्चा अनेक वर्षांपासून सुरू आहे. यासाठी याआधीचेही सरकार सकारात्मक होते. सध्याचेही सरकार सकारात्मक आहे. पण, यासाठीचा भार सध्याचे सरकार कसा उचलणार आहे, हे कळले पाहिजे, असा प्रश्न आमदार श्री. धिरज देशमुख यांनी उपस्थित केला.

आमदार श्री. धिरज देशमुख म्हणाले, मराठवाडा वॉटर ग्रीड योजनेला 'इन्फ्रास्ट्रक्चर प्रोजेक्ट'चा दर्जा दिला तर या योजनेला गती मिळेल. आवश्यक आर्थिक तरतूद सरकारला करता येईल. जागतिक बँकेकडून कर्ज पुरवठा उपलब्ध करून देता येईल. राईट टू एज्यूकेशन, राईट टू इन्फर्मेशन प्रमाणे राईट टू वॉटर या विषयावर आता चर्चा झाली पाहिजे. त्यातून असे प्रकल्प वेळेवर मार्गी लागतील.

मागासलेल्या भागात उद्योग आणा :
मुंबई, पुणे, ठाणे नाशिक अशा विकसित शहरांभोवती नवे उद्योग उभे राहत आहेत. पण, राज्याचा जो भाग मागे आहे, मागासलेला आहे तेथे नवे उद्योग कसे उभे राहतील, हे सरकारने पाहिजे. त्यासाठी सरकारने धोरण आखावे. मराठवाडा, विदर्भ, कोकण अशा भागातील सकारात्मक बाबी लक्षात घेवून तेथे कोणकोणते उद्योग उभे राहू शकतात? हे पहावे. मराठवाड्यात पाणी नसेल तर तेथे सौर उर्जेचे उद्योग उभे राहू शकतात. अशा प्रकारचे उद्योग त्या त्या भागात उभे राहिले तर स्थानिक तरुणांच्या हाताला काम मिळू शकेल, असेही ते म्हणाले.

शेतकरी हा ऊर्जा उत्पादक बनावा :
शेतकऱ्यांच्या जीवनात आर्थिक क्रांती घडवून आणण्यासाठी त्यांना पाणी उपलब्ध करून देणे गरजेचे आहे. याबरोबरच मराठवाड्यात सोलार प्रोजेक्ट मोठ्या प्रमाणात उभे राहू शकतात. त्यातून शेतकरी हा 'ऊर्जा उत्पादक शेतकरी' बनू शकतो. यासाठी शेतकरी बांधवांना त्यांच्या जमिनीवर छोटे सोलार पार्क उभे करण्याची योजना सरकारने सुरू करावी. त्यासाठी आवश्यक मदत द्यावी, अशी मागणी आमदार श्री. धिरज देशमुख यांनी केली.
----
चौकट :
मराठवाडा रेल्वे कोच कारखाना केव्हा सुरू होणार?

'मराठवाडा रेल्वे कोच कारखाना' लातूरमध्ये उभा राहून अनेक वर्षे झाले. पण, तो अद्याप प्रत्यक्षात सुरू झाला नाही. तो तातडीने सुरू व्हावा, अशी मागणी आमदार श्री. धिरज देशमुख यांनी केली. येथे 'वंदे भारत एक्सप्रेस'च्या डब्यांची निर्मिती होणार आहे, असे केंद्राने जाहीर केले आहे. ती लवकर व्हावी. जेणेकरून स्थानिक तरुणांना रोजगार मिळेल. लातूर आणि मराठवाड्यातील ८० टक्के तरुणांना येथे रोजगार मिळाला पाहिजे, याकडेही त्यांनी यावेळी लक्ष वेधले. ---

'लातूर ग्रामीण'मधील रस्त्यांसाठी ५०.६५ कोटी मंजूर   आमदार धिरज देशमुख यांच्या प्रत्यनांमुळे अर्थसंकल्पात तरतूद; राज्य सरकारने घेतली पाठपुराव्याची दखल   ग्रामस्थांनी मानले आमदार धिरज देशमुख यांचे आभार ---- लातूर : 'लातूर ग्रामीण'चे आमदार श्री. धिरज विलासराव देशमुख यांनी सातत्याने केलेल्या पाठपुराव्यामुळे राज्य सरकारच्या यंदाच्या अर्थसंकल्पात लातूर ग्रामीण मतदारसंघांतील रस्त्यांसाठी ५०.६५ कोटी रुपये मंजूर करण्यात आले आहेत. यातून लातूर ग्रामीण मतदारसंघातील सुमारे ४७ किलोमिटर लांबीच्या रस्त्याची कामे पूर्ण होण्याचा मार्ग मोकळा झाला आहे.   लातूर ग्रामीण मतदारसंघात विविध विकासकामे मंजूर करून आणण्यासाठी 'लातूर ग्रामीण'चे आमदार श्री. धिरज देशमुख हे सातत्याने प्रयत्नशील असतात. त्यांनी सार्वजनिक बांधकाम मंत्री श्री. रवींद्र चव्हाण यांना मतदारसंघातील रस्त्यांबाबत वेळोवेळी पत्र पाठवले व त्यासंदर्भात सातत्याने पाठपुरावाही केला. याची दखल घेवून राज्य सरकारने अर्थसंकल्पात लातूर ग्रामीण मतदारसंघांतील लातूर तालुक्यासाठी २७.७ कोटी, रेणापूर तालुक्यातील रस्त्यांसाठी २.८ कोटी तर औसा तालुक्यातील रस्त्यांसाठी २१.५० कोटी इतक्या निधीच्या तरतुदीचा समावेश केला आहे.   लातूर तालुक्यातील हरंगुळ - मांजरा कारखाना - अलमला रस्ता राज्यमार्ग २४२ किमी १७/५०० ते २०/५००, परळी - अंबाजोगाई - देवळा - मुरुड - जागजी रस्ता रामा २११ किमी ८०/१०० ते ८३/१००, लातूर हरंगुळ - मांजरा कारखाना - चिंचोलीराव - आलमला रस्ता राज्यमार्ग २४२ किमी २०/३५० ते २०/९५०, आखरवाई - खंडापुर - खाडगाव - एमएसएच ५४८ बी किमी ० ते ४/००, मुरुड अकोला - भोयरा - सावरगाव रस्ता प्रजिमा १३ किमी १०/०० ते १७/५०० या रस्त्यांच्या कामांबरोबरच सारसा - गादवड - शिराळा - बोरगाव - निवळी रस्ता किमी २१/५०० ते २६/२०० या मार्गावर सिमेंट काँक्रिट रस्ता मंजूर झाला आहे.   रेणापूर तालुक्यातील फाळेगाव - किनगाव - कारेपूर - तळणी - कासारखेडा - कोळपा रस्ता रामा २४८ किमी रस्त्याच्या रुंदीकरणासह सुधारणा करणे किमी २००/२०२ ते २०३/२००, रामा २४८ बी तळणी - धवेली - जानवळ - वडवळ - प्रजिमा १५ किमी ० - १/००० तर औसा तालुक्यातील तेर - कोडं - भेटा - भादा - औसा रस्ता रामा २३९ किमी ३४/६०० व ४०/१५० वरील पुलाच्या पोहोचमार्गाचे बांधकाम, उस्मानाबाद शिवली बोरफळ रस्ता सुधारणा रामा ६८ किमी ३१०/६९६ ते ३११/६९६, ३१२/६९६, ३१८/१९६, ३१९/६९६, तेर कोंड - भेटा - भादा - औसा रस्ता रामा २३९ किमी २९/६०० ते ४०/१५० रस्ता रुंदीकरण व पुलाचे काम, एकुर्गा - भेटा - रस्त्याची सुधारणा प्रजिमा १२ किमी ९/६०० ते ११/६००, औसा ते बोरफळ ग्रामा ४६ या रस्त्यांसाठी निधीची तरतूद करण्यात आली आहे. यासाठी पाठपुरावा केल्याबद्दल आमदार श्री. धिरज देशमुख यांचे ग्रामस्थांनी आभार मानले. --- कोट:  लातूर ग्रामीण मतदारसंघाच्या विकासासाठी मी कायमच प्रयत्नशील आहे. राज्यात महाविकास आघाडीचे सरकार असताना आम्ही हक्काने अनेक विकासकामे मंजूर करून आणली, याचे समाधान आहे. सध्याही विविध योजनांचा मी सातत्याने शासन दरबारी पाठपुरावा करीत आहे. केवळ त्यामुळेच 'लातूर ग्रामीण'साठी ही तरतूद करण्यात आली आहे. याबद्दल मी राज्य सरकारचे आभार मानतो.   - धिरज विलासराव देशमुख,  आमदार, लातूर ग्रामीण ---

खरोळा फाटा ते पानगाव
रस्ता केव्हा पूर्ण करणार?

अर्थसंकल्पीय अधिवेशनात आमदार धिरज देशमुख यांनी वेधले सरकारचे लक्ष
---
लातूर : खरोळा फाटा ते पानगाव या रस्त्याचे काम रखडले असल्याने ग्रामस्थ, शेतकरी, विद्यार्थी व व्यापाऱ्यांची मोठी गैरसोय होत आहे. अपघाताचेही प्रमाण वाढले आहे. त्यामुळे या रस्त्याचा प्रश्न केव्हा मार्गी लावणार, असा प्रश्न 'लातूर ग्रामीण'चे आमदार श्री. धिरज विलासराव देशमुख यांनी उपस्थित केला.

मुंबई येथे अर्थसंकल्पीय अधिवेशन सध्या सुरु असून 'लातूर ग्रामीण'चे आमदार श्री. धिरज देशमुख यांनी तारांकित प्रश्न मांडत खरोळा फाटा ते पानगाव या रस्त्याच्या रखडलेल्या प्रश्नाकडे लक्ष वेधले. खरोळा फाटा ते पानगाव दरम्यानच्या राष्ट्रीय महामार्गाच्या (क्र. 361H) दुरुस्तीचा प्रस्ताव अनेकवेळा शासनास पाठवूनही त्याला अद्यापपर्यंत मंजुरी मिळाली नसल्याचे नुकतेच समोर आले आहे. रस्त्याचे काम न झाल्याने या मार्गावर वारंवार अपघात होत असून यात अनेक प्रवाशांना आपला जीव गमवावा लागला आहे. याबाबत ग्रामस्थांनी अनेकदा रास्ता रोको आंदोलनही केले आहेत. खरोळा फाटा ते पानगाव रस्त्याचा प्रश्न गंभीर बनलेला असतानाही त्याकडे दुर्लक्ष का केले जात आहे, यावर आमदार श्री. धिरज देशमुख यांनी भर दिला.

या प्रश्नाला उत्तर देताना सार्वजनिक बांधकाम मंत्री श्री. रवींद्र चव्हाण म्हणाले, लातूर - रेणापूर रा. म. क्र. 548 बी व रेणापूर ते पानगाव रा. म. क्र. 361 एच या कामातील खरोळा फाटा ते पानगाव या 14.2 किलोमिटर रस्त्याचे नवीन अंदाजपत्रक (किंमत 82.89 कोटी) केंद्र शासनाच्या रस्ते वाहतूक व महामार्ग मंत्रालयाचे प्रादेशिक अधिकारी, मुंबई यांच्याकडे पाठविण्यात आले आहे. सदरील कामाची निविदा प्रक्रिया पूर्ण झाली असून निविदा स्वीकृती प्रस्ताव मंजूर झाल्यानंतर रस्त्याचे नवीन काम सुरू करण्यात येईल. ---

निवडणुका डोळ्यासमोर ठेवून मांडलेला अर्थसंकल्प : आमदार धिरज देशमुख ---- शेतकऱ्यांच्या शेतीमालाला रास्त भाव मिळाला तर शेतकरी खऱ्या अर्थाने स्वयंपूर्ण होतील. पण, अशा मूळ आणि महत्वाच्या प्रश्नांकडे दुर्लक्ष करून 'वर्षाला ६ हजार' सारख्या केवळ चमकदार घोषणा राज्य सरकारने अर्थसंकल्पाच्या माध्यमातून केल्या आहेत. या तुटपुंज्या रक्कमेतून शेतकरी बांधवांचे अर्थकारण कसे सुधारणार?   मराठवाडा दुष्काळ मुक्त करू, अशा घोषणा वारंवार दिल्या जातात. पण, त्यादृष्टीने मराठवाड्याला ठोस काहीही देण्यात आले नाही. लातूरमधील विमानतळ, रुग्णालय, रस्ते, पाणी असे अनेक महत्वाचे विषय सरकारसमोर आहेत. पण, त्याची योग्य दखल घेतली गेली नाही. त्यामुळे लातूरकरांसाठीही हा अर्थसंकल्प निराशाजनक ठरला आहे.   महागाई मोठ्या प्रमाणात वाढली आहे. त्यामुळे राजस्थान सरकारने ठोस पावले टाकून गॅस सिलिंडरचे दर ५०० रुपये करण्याचा ऐतिहासिक निर्णय घेतला आहे. अशा निर्णयांचे अनुकरण आपल्याकडे व्हायला हवे होते. मात्र, महागाई, बेरोजगारी, जुनी पेन्शन, मोफत वीज याबाबत कुठलाही दिलासादायक निर्णय राज्य सरकारने घेतला नाही.   आगामी निवडणुका डोळ्यासमोर ठेवून राज्य सरकारने मांडलेला अर्थसंकल्प सर्वसामान्यांची दिशाभूल करणारा आहे. ---

'लातूर ग्रामीण'मधील
रस्त्यांसाठी ३८ कोटी

आमदार धिरज देशमुख यांच्या पाठपुराव्याला यश; राज्य सरकारने दिली प्रशासकीय मान्यता
---
लातूर : लातूर ग्रामीण मतदारसंघातील रस्त्यांच्या दर्जोन्नत्तीसाठी आमदार श्री. धिरज विलासराव देशमुख यांनी केलेल्या पाठपुराव्यामुळे मुख्यमंत्री ग्रामसडक योजना टप्पा २ आशियायी विकास बँक अर्थसहाय्य आणि जिल्हा वार्षिक योजना (सर्वसाधारण) अंतर्गत ३८ कोटी ५७ लाख रुपयांच्या कामांना राज्य सरकारने प्रशासकीय मान्यता दिली आहे.

वाढती वाहतूक आणि रस्त्यांची स्थिती विचारात घेवून 'लातूर ग्रामीण'चे आमदार श्री. धिरज देशमुख यांनी राज्य सरकारकडे रस्त्यांच्या दर्जोन्नत्तीसाठी पाठपुरावा केला. याची दखल घेवून राज्य सरकारने लातूर तालुक्यातील रस्त्यांसाठी १७.२५ कोटी, रेणापूर तालुक्यातील रस्त्यांसाठी ८.८४ कोटी तर औसा तालुक्यातील रस्त्यांसाठी १२.४८ कोटी अशा एकूण ३८.५७ कोटी रुपयांच्या कामांना मान्यता दिली आहे.

यानुसार औसा तालुक्यातील रामा २३३ हणमंतवाडी- मळवटी- कासारखेडा ते तालुका हद्द, राममा ३६१ वानवडा- मसलगा- माळकोंडजी- संक्राळ रस्ता, रामा ६८ शिवली- भादा- शिंदेवाडी- उटी रस्ता, रेणापूर तालुक्यातील रामा २४५ रेणापूर- काळेवाडी- बिटरगाव- गरसुळी- तत्तापुर ते प्रजीमा २ रस्ता, लातूर तालुक्यातील रामा २३२- आर्वी नांदगाव- प्रजिमा ०४- साई- गव्हाण ते तालुका हद्द या सुमारे ५० किलोमिटर लांबीच्या रस्त्यांची कामे होणार आहेत. यास मान्यता दिल्याबद्दल मुख्यमंत्री श्री. एकनाथ शिंदे, उपमुख्यमंत्री श्री. देवेंद्र फडणवीस, ग्रामविकास मंत्री श्री. गिरीश महाजन यांचे आमदार श्री. धिरज देशमुख यांनी आभार मानले.